أهو شاب محترم لسه متخلطش بتعب ومشاكل الدنيا ، ربنا اختاره واصاب أهله في محنه صعبه بأنه يقبض ابنهم ويبتليهم بوجع فقد الروح وفقدان الجسد لمده ١١ يوم
ضغط نفسي رهيب علي اهله أولا وتتسع دايرته واحده واحده لتشمل قريته ثم مدينته فالمحافظة والدولة كاملة
ربنا امتحن الناس بمصاب جلل وظهر معدن الرجال الحقيقي ، يوميا اكتر من الف شخص موجود علي الشط ، قري كامله علي الساحل ولادها يتطوعوا بنفسهم ومراكبهم ويدوروا ويبحثوا ، غواصين تيجي من كل مصر شرقا وغربا تساعد بدون ملل
لحد ما خلاص أبوه الراجل الطيب بعرف الفلاحين عندنا كده مبقاش عاوز يتقل علي الناس اللي سايبه مصالحها وقاعده تدور وتعهدوا انهم مش هيسيبوه لو لاخر العمر وانهم رهن اشارته ، فقرر الراجل الطيب وقلبه بيعتصر إنه يشيل الحرج عن الناس ويحتسب ابنه روحا وجسدا عند الله وينهي البحث ويصلي الغائب وبعدها بساعتين في معجزة ربانية ودرس قوي من ربنا للكل و إجبارهم علي الاستسلام والانصياع لقدره يظهر الجثمان في اكتر مكان الغواصين نزلوا فيه
وله في ذلك حكم ، ١١ يوم والأهل خلاص امتصوا صدمه موت ابنهم وكل املهم انه يكرموه في قبره فيخرج الجسد بزغاريط بدل من البكاء،والنحيب
١١ يوم في الظلمات بس تمنهم تخليد ذكراه واسمه اللي اتعرف في مصر كلها وجنازة اسطورية
ده عزاء أهله الوحيد ، ابنكم متجوزش وملوش نسل الناس تفتكره بيه ، بس اسمه لعشرات السنين هتفضل الناس فاكراه وبتدعيله ، كلنا بنجتهد ونعافر ونتعب علشان نعمل حاجه الناس تفتكرنا بيها بعد وفاتنا وفيه مننا قليل بينجح وكتير جدا بيفشل في كده ، ابنكم مجانا ربنا هداه طيب الذكر بعد مماته عند ملايين الناس مجانا ❤️
مكنش ينفع يظهر الجثمان في اول يوم ولا تاني او تالت يوم
معاده كان لازم يعدي عليه ١١ يوم
لازم مصر كلها تعرف وتتعاطف وتساعد وتتكاتف لمده ١١ يوم
لازم الناس كلها تستسلم علشان لما ربنا يمن علينا انه يظهر كله يعيط فرح مش حزن
لازم ١١ يوم علشان الجنازة تبقي ضخمه بالشكل ده
كان لازم زفه عريس ، قلوب الناس ترقص باللي شافته في مشهدك ❤️😘
نعزي أنفسنا وأهله ولانقول الامايرضي ربنا أنا لله وانا اليه راجعون
ساهم فى نشر الموضوع ليكون صدقة جارية لك.
رابط الموضوع:
لاضافة الموضوع في مدونتك او المنتدى:
الله يرحمه
ردحذف