أنت كمسلم عليك التزامات وواجبات والمفروض انك تعملها اذا كنت موحد مؤمن بالله ومؤمن برسوله ماينفعش ابدا انك تنساها او حتى تتحرج منها الاسلام كله عز وفخر ليس فيه ما يدعوك للحرج والخوف اوالكسوف .
الناس الى انت بتتحرج علشانهم مش هتعطي درجات ولا تحاسبك ولا بيدها جنه او نار او عذاب او نعيم ..الناس مثلك بالضبط عايشين اليوم بيومه بيحافظوا علي معتقداتهم حتي وهي غلط برضو بيدافعوا عنها ومحافظين عليها مش بس كده دا بيحاربوا كمان من أجل بقاءها وعدم تغييرها او انقراضها .. فانت كمسلم خجلان من ايه؟ قولي خجلان انك تدافع عن دينك؟ هقولك حاجه انت شايف الدنيا حواليك ازاي ؟بص كده حواليك شوف المثليين (اللوطيين) بيدافعوا عن نفسهم واي اقتراب من معتقداتهم وحياتهم بيكون تعدي عليهم .
والزناه وحفلات العري وعبدة الشيطان شايفين ده حريه وانه حق لهم طالما بالرضا ومحدش غصبهم وهنا محدش بيقرب منهم وبيدافعوا عن حريتهم دي لاخر نفس .
فانت كمسلم موحد خجلان من ايه تدافع عن توحيدك ؟ مانت برضو مش بتاذي حد ومرحتش تخبط علي بيت حد وتقوله كون موحد فخليك رافع راسك بشموخ بعزة نفس ومكمل ،انا مش شايف ما يدعوك للحرج والخوف أصلا. الخوف ده لإن ايمانك ضعيف ايوه خليك شجاع واعترف انت مسلم لك سنين سحرة فرعون امنوا في يوم واحد وتحدوا فرعون في نفس اليوم وبرغم انه هددهم وتوعدهم بوعيد شديد (فَلَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَافٍ وَلَأُصَلِّبَنَّكُمْ فِي جُذُوعِ النَّخْلِ وَلَتَعْلَمُنَّ أَيُّنَا أَشَدُّ عَذَابًا وَأَبْقَىٰ )قلهم هقطع ايدكم وارجلكم ومع ذلك متهزت لهم شعره فكر معايا كده ايه الى خلاهم قلبهم جامد كده وغير مبالين بالى هيحصلهم لانهم عرفوا الحق وادركوا ان الحياه ملهاش أي قيمه تتقطع ايديهم اورجليهم مش مهم المهم ان ربنا يغفر لهم خطاياهم ويتوب عليهم ويرضى عنهم (فَاقْضِ مَا أَنتَ قَاضٍ ۖ إِنَّمَا تَقْضِي هَٰذِهِ الْحَيَاةَ الدُّنْيَا إِنَّا آمَنَّا بِرَبِّنَا لِيَغْفِرَ لَنَا خَطَايَانَا وَمَا أَكْرَهْتَنَا عَلَيْهِ مِنَ السِّحْرِ ۗ وَاللَّهُ خَيْرٌ وَأَبْقَىٰ)
الشيطان هو الى بيبث في نفسك الخوف علشان تفضل ضعيف مثله ايوه انت اقوى منه (إِنَّ كَيْدَ الشَّيْطَانِ كَانَ ضَعِيفًا)وهنا رغم كيده الضعيف ينفث فيك بانك تخاف من فلان او علان او حتى منه هو (إِنَّمَا ذَٰلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِن كُنتُم مُّؤْمِنِينَ) اوعى تخاف من حد غير الله(الَّذِينَ يُبَلِّغُونَ رِسَالَاتِ اللَّهِ وَيَخْشَوْنَهُ وَلَا يَخْشَوْنَ أَحَدًا إِلَّا اللَّهَ وَكَفَى بِاللَّهِ حَسِيبًا)
نرجع لموضوعنا الاساسي . ربنا امرنا بالدفاع عن دينا ؟ اه وبالدفاع عن الارض ونشر الدين ورقة بن نوفل رضي الله تعالى عنه قال للنبي ﷺ: وإن يدركني يومك أنصرك نصراً مؤزراً، ده مع كِبَر سنه، وذهاب بصره، وتمنى أن يكون وقتها قوياً عندما يظهر أمر الدعوة ليقوم بالواجب، مثل هذه الأمنية تنفع صاحبها عند الله؛ لأن نيته حسنة.
وخلى بالك ربنا ما جابناش في الدينا علشان ناكل ونشرب ونعمل فلوس ونشتري سيارات . دي كلها وسائل العيش والحياه وليست الهدف من وجودك اصلا. الهدف من وجودك هو ( وما خلقت الجن والانس الا ليعبدون ) طيب الكلام دا اهو واضح ومباشر. مش مؤمن بكلام ربنا ليه ؟بصه طيب مش موافق علي كلام ربنا ليه ؟(تفكير) بتحاول تتجاهل امر ربنا ليه ؟ بتحاول تعيش في وهم ونسيان ليه؟ بتحاول تهرب من الواقع وتعيش بعيد عن الحقيقة ليه؟
الحقيقة؟ ايوه الحقيقه هي أنك مخلوق لله مخلوق للعبادة مخلوق علشان تحقق الشروط الى بيها تدخل الجنة وتعيش في رضى الرحمن اما بئه كونك بتركز كل حياتك للدنيا انت كده بصراحه بتخسر نفسك قبل كل شيء دا كمان بخلاف انك بتخسر كل الى القريبين منك الى جمعتلهم الدنيا هتخسر الاخرة هتخسر كل شيء (فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّىٰ إِذَا فَرِحُوا بِمَا أُوتُوا أَخَذْنَاهُم بَغْتَةً فَإِذَا هُم مُّبْلِسُونَ)
انت مأمور بالعبادة لله . والعبادة اسم جامع لكل ما يحبه الله ويرضاه وهي الى بتفرق بين المسلم وغيره .. والمفترض انك بتشتري دين الله كله علي بعضه متاخدش منه اللي يرضيك وتترك منه اللي الى مش على مزاجك وده الهدف من الإبتلاء (ليبلوكم ايكم احسن عملا)فمثلا يجعلك صلاة الفجر بدرى جدا علشان يشوفك هتقوم ولاهتفضل النوم الى هو على مزاجك ومش هتقوم تطيعه في الوقت الى هو حدده مهي الجنة مش ببلاش يا بوحميد..
طب انا مسلم بس مش هصلي ومش صايم ومش متوكل علي الله ومليش دعوه بانتهاك الاعراض ولا دم المسلمين ..ولا بالمواضيع بتاعتكم دي خالص
يسلام طيب يعني ربنا خلقك في احسن صوره وادالك مال وبنين ورزق علشان ايه؟ علشان تموت وتتحلل وتزود البترول في الارض يعني ؟ متفوق ياعمنا
ليا عندك طلب ممكن تشوف بعيونك وتسمع بودانك وتقرأ الايه دي وتركز فيها كويس. ممكن
(قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّىٰ يَأْتِيَ اللَّهُ بِأَمْرِهِ ۗ وَاللَّهُ لَا يَهْدِي الْقَوْمَ الْفَاسِقِينَ)
الايه دي مهمه جدا لجميع المسلمين يعني لو شايف ابائك وابنائك وزوجاتك واهلك احب اليك من الله . او خايف تخسر بيتك اللي انت بتحبه او سيارتك واموالك فمش هتدافع عند دينك .يعز عليا انى اقولك ان الى بيعمل كده بياخد لقب فاسق انا عارف الكلام ده ممكن يؤلمك بس انا لازم اقلك الحقيقة .ده كلام ربنا اللي مفترض كل مسلم مؤمن بيه .وهنا لازم تراجع نفسك وتفكر في الايه دى مليون مره . يخافُونَ رَبَّهُمْ مِنْ فَوْقِهِمْ وَيَفْعَلُونَ مَا يُؤْمَرُونَ
الخلاصه لازم تعرف انت ايه , وجاي الدنيا ليه , وهتروح لربنا بايه؟
ساهم فى نشر الموضوع ليكون صدقة جارية لك.
رابط الموضوع:
لاضافة الموضوع في مدونتك او المنتدى:
ليست هناك تعليقات :
إرسال تعليق