توقيت الصلاة في المغرب

الأخوة والأخوات قاطعوا المنتجات الفرنسية لاتنسوا هذا وهذا أقل ما نستطيع أن نقدمه لنبينا حبيبنا صلى الله عليه وسلم
كوفيد-19 عدد المصابين: 111,837,039عدد المتعافين: 63,121,854عدد الوفيات: 2,477,393

صفحتنا على الفيس

المماليك وعسكر مصر وجهاً لوجه

-


المماليك وعسكر مصر
المماليك أسسوا دولة عظيمة فى مصر حكموا حوالى 267عام  كانت لمصر قوتها وكلمتها المسموعة فى العالم /مش زي دلوقت خالص
حلقة اليوم مقارنة بسيطه بين المماليك وعسكر52 الي حكموا 70 سنه
المماليك الكثير منهم متولدش فى مصر وبعضهم اتولد فى مص ركانوا مخلصين للإسلام فجعلوا لمصر مكانة وقوة فى العالم وكان مصر بيتعملها بدل الحساب ألف حساب .
المماليك أُصُولهم رقيقٌ مُحاربين، استقدمهم الخُلفاء العبَّاسيين الأوائل من تركستان والقوقاز وغيرها وجعلوهم حُرَّاسًا لهم وقادةً لِجُيُوش المُسلمين، وازداد نُفُوذ المماليك بِمُرور الوقت حتَّى هيمنوا على الخِلافة وعلى مركز صناعة القرار.
 نروح للمقريزي والى بيحكلنا عن حياة المملوك وازاي بيتربى بيقول : "إن أول المراحل في حياة المملوك هي أنه يتعلم اللغة العربية قراءة وكتابة، بعد كده بيتعلم القرآن الكريم، حاجه جميله اوي ثم يبدأ في تعلم مبادئ الفقه الإسلامي، وآداب الشريعة الإسلامية.. والعجيب ان المملوك بيكون تحت مراقبة شديدة من مؤدبيه ومعلميه، يعني إذا ارتكب خطأً يمس الآداب الإسلامية بيتعاقب اه مفيش هزار".
أما عسكر مصر فبيتربو على سب الدين والعسكري الغلبان بيتبهدل ويشتم بامه وأبوه ولي بيحافظ على الصلاة والأذكار عندهم بيبقى متطرف وعايز يرجعنا لوراء مش بس كده دا الى محافظ على الصلاة وملتزم بدينه بيكون تحت المراقبه وعلشان يضحكوا على الناس يجيبوا مجموعه يحفظوهم القران وبيكونوا منقينهم كويس علشان يقلك احنا اهو العساكر عندنا حافظين القران 
نروح للمماليك هنلاقي القاهرة عاصمة السلطنة المملوكية، تأتيها وفود من كل دول العالم تتوسل وتطلب العون طبعا لازم يحصل كده شيء طبيعي لان الدوله كانت كبيره وقويه 
 فدولة المماليك امتدت فى خلال السبعين العام الأولى لحكمهم حتى طرطوس(جنوب تركيا)وحلب، وشرقاً العراق، وجنوباً حتى شمالي الحديدة(اليمن) و الحجاز، وجنوب مصر إلى النوبة ، وامتدت حدودها الغربية على ساحل المتوسط من دمياط ورشيد حتى برقة،( ليبيا) دي خريطه دولة المماليك فى مصر شوف كيف امتدت بالون الاحمر واللون الاصفر المناطق الى كانت تحت نفوذهم. اما ملوكهم العظام فحدث ولاحرج.
 كان أعظم ملوكهم قطز صاحب النصر العظيم على المغول فى عين جالوت . والشي الجميل كان في ظهورهم / ازاي ياعمنا 


ظهر المماليك بِمظهر مُنقذي العالم الإسلامي من الضياع والزوال بعد سُقُوط بغداد عاصمة الدولة العبَّاسيَّة والخِلافة الإسلاميَّة في يد المغول بِقيادة هولاكو خان، وبعد مقتل آخر خُلفاء بني العبَّاس أبو أحمد عبد الله المُستعصم بِالله. الله لايوريكم / ايه ياعمنا الماغول ضربوه بالأحذية والشباشب لحد مامات وده مصير اي حد ما يحفظش على ملكه /يا راجل دا لوزير بتاعه بن العلقمي كان شغال مع المغول. اقول ايه ولا اعيد ايه خلوني ساكت فى الوقت ده اتجه المغول لِغزو الشَام وهدَّدوا مصر بِمصيرٍ مُشابه لِمصير بغداد وده طبعا علشان متقومش لِلإسلام قائمة ، فقام سُلطانُ المماليك سيفُ الدين قُطُز بارسال جيشًا عرمرم إلى فلسطين لِصدِّ التقدُّم المغولي وحماية قلب الديار الإسلاميَّة، فهزم المُسلمون المغول في معركة عين جالوت بِشمال فلسطين سنة 1260م/ الإخلاص وحب الدين يعمل اكثر من كده.
أما أقواهم وأعظمهم مجدا فكروا معايا مين هو /ايوه كما توقعتم الظاهر بيبرس الي حطم الصليبين فى المنصورة وقام باعتقال وأسر ملك فرنسا لويس التاسع زي مانتم شايفينه كده متبهدل وحاله بالبلا تصدقوا ان ده ملك فرنسا كان يومك نحس يالويس. الظاهر بيبرس صاحب خطة النصر فى عين جالوت وأول من أعاد الخلافة العباسية بعد هدمها وصاحب الفضل فى القضاء على القرامطة. وكانت سيرته بترعب الصليبين والمغول يانهار أبيض يناس دا حطم مملكة أرمينيا* انتو متخيلين العظمه ياناس
(أما عسكر 52 متخلينا فى المماليك وخلاص ياعمنا بلاش تاريخ العسكر الي يغم ده / معلش اعصر على نفسك لمونه /عسكر 52 لما حكموا مصر كانت سيادة مصر تمتد للسودان وغزة  فعملوا ايه المناحيس باعوا السودان وغزة  حتى وصلوا لبيع جزيرة تيران وصنافير ولم يعرفوا إلا ظلم الشعب والسجون والإعتقال، وأكبر قادتهم عبد الناصر صاحب أكبر تاريخ هزائم عسكرية وكان مواليا لكل أعداء الدين ضد المسلمين. تخيلوا يا رجالة لم ينتصر في معركه واحده) 
فى دولة العظماء المماليك يترائى لي السلطان قلاوون والذى استمرت أسرته مائة عام فى جهاد ضد الصليبين والمغول وأسسوا حضارة معمارية عظيمة .عارفين. هو ده الزتونه فى الموضوع
 أعظمهم دين وتاريخ ومجد وتحقيق لرفاهية الشعب المصرى مين؟ فكروا معايا مين قول خليك شجاع وقول أيوه هو السلطان الناصر محمد بن قلاوون الى اتولد فى مصر والي حكم ثلاث مرات واستمر حكمه في المرة الثالثة واحد وثلاثين سنة / ولما أكلمكم عن عصرة يحلى الكلام وتشعر بنشوة كده وعزه وترفع راسك فوق.
 كان عصره أعظم عصور التاريخ المصري وأكثرها ازدهار ورقي واستقرار، ياراجل دا نفوذه امتد من المغرب غرباً حتى الشام والحجاز شرقاً، ومن النوبة جنوباً حتى آسيا الصغرى شمالاً هذا في الخارج أما في الداخل فحدث ولاحرج حدث ياعم حدث الراجل العظيم ده كان معيش الناس في رخاء واستقرار وإصلاح وتعمير ملوش مثيل  وده الي جعل المؤرخين يشيدو بسيرته وفضله وازدهار حكمه. اقول ايه ولا ايه لواتكلمت للصبح مش هخلص انجازات الناس دي اقولك خد عندك الزبده
فى عهد دولة المماليك ظهر الكثير من علماء المسلمين الأفذاذ الي ملهمش مثيل أمثال العز بن عبد السلام والنووي وابن تيمية وابن القيم الجوزية وابن حجر العسقلاني وابن كثير والمقريزي وابن جماعة وابن قدامة المقدسي رحمهم الله جميعاً، /ايه كل ده دا لسه أعداد هائلة من السادة العلماء يصعب جداً حصرهم.. أقولك تعالى أخدك للمجالات العلمية شوف القاهرة كانت فى عهد المماليك ازاي 
كانت القاهرة ودمشق وحماة من أهم مراكز طب العُيُون في العالم، الاطباء كانوا حُجَّة ومرجعًا في هذا العلم. أمَّا في الأدب والتاريخ أقول ايه ولا ايه ظهر عددٌ من أعظم الباحثين وأعظم المُؤلفين المُسلمين، زي مين زي ابن خلِّكان صاحب كتاب «وفيَّات الأعيان» في السِّير، وأبي الفداء صاحب كتاب «تقويم البُلدان» في الجُغرافيا، والسُّيوطي وابن خلدون، وابن كثير صاحب كتاب «البداية والنهاية»، ودول من أشهر المُؤرخين المُسلمين. والشيء الجميل ان بعض سلاطين المماليك كانوا بِيشجعوا العلم وبيكريم العُلماء فكانوا بينفقوا المال بِسخاء على تأسيس المدارس وإنشاء المكتبات، ومن تلك الصُرُوح العلميَّة: المدرسة الناصريَّة ومدرسة قايتباي في القاهرة، والمدرسة والمكتبة الظاهريَّة في دمشق، والمدرسة القرطائيَّة في طرابُلس الشَّام. مش كده وبس دا أصبح الجامع الأزهر في العهد المملوكي جامعةً كُبرى تُدرِّس بها مذاهب أهل السُنَّة والجماعة الأربعة إلى جانب العُلُوم الأُخرى.
أما العسكر الذين حكموا مصر من 52 حتى الان حوالى  سبعين عام 
 تاريخهم كله هزائم عسكرية وعمالة للصليبيين واليهود وأعداء الدين  وتفريط فى سيادة مصر و محاربة للدين و للعلماء وللمسلمين وهدم للقيم والمبادئ وشيوع للفساد والظلم وسرقة البلد وافقرها واعلام وأفلام قذره وكل ده علشان يغرقوا الشعب فى الشهوات دا غير استخدام بنات مصر وتشغيلهم فى الزني في جهاز المخابرات عنوة أيام عبد الناصر وأصبحت مصر شبه دولة  تتسول الاعانات والقروض وتعيش تحت كفالة أولاد ابن زايد القرامطة الذين ليس لهم دولة ولا تاريخ  ولادين.






ساهم فى نشر الموضوع ليكون صدقة جارية لك.

رابط الموضوع:



لاضافة الموضوع في مدونتك او المنتدى:

ليست هناك تعليقات :

إرسال تعليق

إعلان دائم

تنوه إدارة الموقع إلى أن جميع الأراء والأفكار المطروحه لاتمثل رأي أو وجهة نظر إدارة الموقع وإنما تقع مسؤليتها القانونية على كاتبها .
جميع الحقوق محفوظه . يتم التشغيل بواسطة Blogger.

مصدر الأحصائيات جوجل أنت الزائر رقم:

المتواجدون الأن

بإمكانك أن تقلب الكره بالضغط على زرالفأره أو بتحريك عجلة الفأرة للتكبير لترى المتواجيدن كنقاط حمراء